Mustaqil Respublikamizning kimyo, oziq-ovqat, neft va gazni qayta ishlash, qurilish materiallari va boshqa turdosh ishlab chiqarish tarmoqlarining sanoat korxonalari zamon talablariga mos ravishda jadal sur'atlarda rivojlanib taraqqiy etib bormoqda. Boshqa turdosh ixtisoslik yo'nalishlari bilan bir qatorda mazkur sohani hozirgi jahon andozalariga mos keladigan yuksak unumdorlik ko'rsatkichlariga ega bo'lgan innovatsion texnologiyalar, uskuna va qurilmalar bilan jihozlash tadbirlari keng miqyosda amalga oshirilmoqda. Bu esa o'z navbatida kimyo fanlaridan nazariy va amaliy bilimlarni chuqurlashtirish, hamda mavjud texnologik muammolarning yechimlarini fanlardan olingan bilimlarni amaliy tezkor holatda sinab ko'rishni talab qilyapti.